EIÐAVINIR

Kæru Eiðavinir. 

Eins og fram hefur komið styttum við dagskrá helgarinnar vegna dræmrar skráningar en ætlum engu að síður að skemmta okkur ærlega á þeim stutta tíma sem okkur er skammtaður á Eiðum þessa helgi :)

Herlegheitin hefjast er hátíðarsalurinn opnar kl. 20:00 á laugardagskvöldið og mun pöbbastemning svífa yfir fyrstu klukkustundirnar allt þar til Danshljómsveit Friðjóns tekur til við að leika fyrir dansi. Að auki kemur fram gestahljómsveitin Thule 2,5 sem spilaði á Eiðum upp úr 1970. Við Rúnar Þór talsmaður Trassa-bræðings ákváðum að þeir frestuðu för sinni þar til næst er Eiðavinir væru ákveðnir í að fjölmenna á samkomu. Friðjón og co munu fara létt með að halda uppi góðri stemningu á ballinu, enda þaulvanir. 

Minnum á tónlistarmessu kl. 11 á sunnudag og tónlistardagskrá heimamanna í kjölfarið. Kaffi og vöfflur í boði eftir dagskrá áður en allir halda til síns heima. 

Kr. 2000 á laugardag (pöbbakvöld og ball)

Kr. 2000 á sunnudag (tónlistardagskrá og vöfflukaffi)

Gisting og morgunverður kr. 5.500 á mann

Bjóðum upp á morgunverð á sunnudag kl. 09:00 - 10:00 á kr 1500

Gisting í óuppbúnu rúmi kr. 4000 á mann (2ja manna herbergi)

MUNIÐ: Þeir sem ætla að gista verða að hafa með sér sængurver, koddaver og lak eins og í gamla daga þegar þeir komu í Eiða. Sæng og koddi til staðar á Eiðum í þetta sinn :)

Það verður náttúrlega bæði bar og sjoppa á staðnum þar sem við munum m.a. selja samlokur, gos og minjagripi tengda Eiðum. 

Stjórnin hlakkar mjög til að taka á móti ykkur. 

Verið innilega velkomin.